«Бурабай» ұлттық паркінің хабарлауынша, Жұмбақтас табиғи ескерткішіне кіру уақытша жабылды. Бұл шешім табиғатты қорғау және келушілердің қауіпсіздігін қамтамасыз ету мақсатында қабылданған.

«Жұмбақтас – тек эстетикалық емес, сонымен қатар мәдени маңызы бар ерекше жартас. Оған шығуға қатаң тыйым салынады. Бұл ережені бұзу – тек қоршаған ортаға зиян келтіру емес, сонымен қатар адам өмірі мен денсаулығына қауіп төндіреді», – делінген парктың ресми хабарламасында.

Сонымен қатар, белгіленген тәртіпті бұзғандар әкімшілік жауапкершілікке тартылады. Парк әкімшілігі табиғи мұраға ұқыпты қарауға және ережелерді сақтауға шақырады.