«Ғибадат үйлерін (ғимараттарын) салу және олардың орналасатын жерін айқындау туралы шешім беру» және «Үйлерді (ғимараттарды) ғибадат үйлері (ғимараттары) етіп қайта бейіндеу (функционалдық мақсатын өзгерту) туралы шешім беру» мемлекеттік қызмет көрсету қағидалары «Діни қызмет саласындағы мемлекеттік қызмет көрсету қағидасын бекіту» туралы ҚР Ақпарат және қоғамдық даму министрінің 2022 жылғы 1 желтоқсандағы №530 бұйрығымен бекітілген.

Сонымен қатар Қазақстан Республикасы Жер кодексінің 44-бабы Жер учаскелерiн объектiлер құрылысы үшiн беру 5-2-тармағында ғибадат үйін салу үшін жер учаскесін беру оны салу туралы облыстың, республикалық маңызы бар қаланың, астананың жергілікті атқарушы органдарының ҚР Діни қызмет және діни бірлестіктер туралы заңнамасына сәйкес берілген шешімі болған кезде жүргізіледі. Осыған орай облыстағы жергілікті атқарушы органның шешімі алынбаса, жер комиссиясының оң қорытындысын алуға тыйым салынады.

«Мемлекеттік көрсетілетін қызметті алу үшін көрсетілетін қызметті алушы электрондық үкімет», «www.egov.kz», «www.elicense.kz» веб-порталына осы қағидаларға 1-қосымшаға сәйкес нысан бойынша өтініш және осы қағидаларға 2-қосымшада мемлекеттік көрсетілетін қызмет стандартына сәйкес құжаттарды қоса береді.

Мемлекеттік көрсетілетін қызметті алушыға осы мемлекеттік қызмет көрсету қағидаларына 1-қосымшаға сәйкес нысан бойынша өтініш, тіркелген діни бірлестіктің басшысы қол қойған ғибадат үйін салу туралы еркін нысандағы анықтама-негіздеме (ғибадат үйінің (ғимаратының) атауы және ол тиесілі болатын діни бірлестік, құрылыстың мақсаттары, аталған әкімшілік-аумақтық бірлік (ауыл, елді мекен, ауылдық округ, қаладағы аудан, қала, аудан, облыс) діни қажеттілігін қанағаттандыруға мұқтаж келушілер саны (ғимаратында) қызмет ететін діни қызметкерлерге үміткерлер көрсетілген) құжат қажет. Сонымен қатар ғибадат үйін (ғимаратын) салу жоспарланып отырған аумақта жергілікті қоғамдастық жиналысының (жиынының) ғибадат үйін (ғимаратын) салуға (жақын маңда ғибадат үйі (ғимараты) аумағымен шектесетін (сонымен қатар шекара аралығында сервитут, автомобиль жолы өтетін болса) тұрғын үйлер болған жағдайда ұсынылады) келісетіні туралы шешімінің көшірмесі ұсынылады.

Мемлекеттік көрсетілетін қызметті көрсету мерзімі 22 жұмыс күнін құрайды.

Айтқазы ҚАРАБАЛАЕВ,
облыс әкімдігі
сәулет және қала құрылысы
басқармасының басшысы