Аталған міндеттерді іске асыру және іс-қимылдарды үйлестіру үшін облыс орталығының полиция бөлімдеріндегі ювеналды полиция инспекторларын, білім басқармасының өкілдерін, еріктілерді және өзге де мүдделі органдарды тарта отырып, жұмыс топтары құрылған.
Мысалы, облыстың 7 ойын-сауық мекемесінде полиция қызметкерлері түнгі 22:00-ден кейін ересектердің еріп жүруінсіз мекемеден тыс болған 15 жасөспірімді анықтады. Кәмелетке толмағандардың ата-аналарына қатысты әкімшілік хаттамалар толтырылды.
Кафе иелері кәмелетке толмағандардың түнгі уақытта ойын-сауық орындарында болуына жол бергені үшін 10 АЕК (36 920 теңге) мөлшерінде айыппұл төледі және әкімшілік жауапкершілікке тартылды. Сондай-ақ 21 жасқа толмаған адамға алкоголь сату деректері анықталды. 6 дүкеннің иесі Қазақстан Республикасының алкоголь өнімін өткізу жөніндегі заңнамасының талаптарын бұзғаны үшін жауапкершілікке тартылды және аталған құқықбұзушылықтары үшін 40 АЕК (147 680 теңге) мөлшерінде айыппұл қарастырылған.
Облыста небәрі 7 күн ішінде 65 рейд жүргізіліп, барысында полиция органдарына 190 кәмелетке толмаған жасөспірім жеткізілді. 225 ата-ана мен өзге де ересек адамдар әкімшілік жауапкершілікке тартылды. Түнде заңды өкілінсіз жүргені үшін кәмелетке толмағандарды бейімдеу орталығына 10 жасөспірім орналастырылған. – Күн сайын кәмелетке толмағандар істері жөніндегі инспекторлар құқықбұзушылықтың алдын алу бойынша жұмыс жүргізеді. Ювеналдық полицейлердің басты міндеті – балалардағы мүмкін қиындықтардың алдын алу және олардан қорғау.
Ата-аналарға балаларының бос уақытын және араласатын ортасын әрдайым назарда ұстап, бақылауын ескертеміз. Ата-аналар тарапынан кәмелетке толмағандардың мінез-құлқы мен іс-әрекеттеріне тәрбиелік ықпалдың және бақылаудың болмауы олардың құқыққа қайшы әрекеттер жасауына себеп болуы әбден мүмкін, – дейді облыстық полиция департаменті жергілікті полиция қызметі басқармасы ювеналды полиция тобының ерекше тапсырмалар жөніндегі аға инспекторы, полиция майоры Әлішер Қалышев.
АЙЖАН ӨЗБЕКОВА
Мемлекеттік қызмет еркінсуді кешірмейді
Ұқсас жаңалықтар
Қазақстандық оқушылар робототехникадан үш дүркін әлем чемпионы атанды
- авторAR-AY
- 30 қыркүйек, 2024