Сараптама ұйымы ресейлік «Система ПБО» жауапкершілігі шектеулі серіктестігінің Қазақстандағы «Вкусно - и точка» тауар белгісін тіркеуге өтінішті қарап жатыр. Бұл туралы «Интерфакс-Қазақстан» агенттігі Әділет министрлігінің зияткерлік меншік құқықтары департаментіне сілтеме жасап хабарлады. Бұған дейін ресейлік компания ТМД елдерінде «Вкусно - и точка» мейрамханалар желісін ашу мәселесінің қарастырылып жатқанын хабарлаған болатын. Айта кетсек, McDonald's мейрамханалары Ресейде былтыр 14 наурыздан бастап жабыла бастады. Одан кейін биыл америкалық компанияның фаст-фуд желілері Қазақстанда да жабылды. Еліміздің 6 қаласында McDonald's-тың 23 мейрамханасы жұмыс істеді.