Министрліктің хабарлауынша, 3 қаңтар сағат 10.15 пен 4 қантардың таңғы 5-ке дейін Жуалы, Сарысу және Қордай аудандарының өрт сөндіруші-құтқарушылары республикалық және облыстық маңызы бар автожолдардың 3 учаскесінде 326 адамды құтқарып, жақын маңдағы елді мекендерге жеткізген. Айта кету керек, құтқарылған жолаушылар қатарында 72 бала бар.

 

Жамбыл облысы Төтенше жағдайлар департаменті бөлімшелері құтқарушыларының жедел және кәсіби іс-қимылдарының арқасында құтқарылғандардың ешқайсысы медициналық көмекті қажет етпеді. Есесіне, құтқарылған азаматтардың арасында осындай қиын жағдайда дер кезінде көмек көрсеткені үшін алғыс білдірген азаматтар да болды.

  «Төтенше жағдайлар департаменті азаматтарға үйден шығарда келіп түскен хабарламаларға жіті назар аударып, өздерімен бірге әрдайым жылы заттарды бірге алып жүруге шақырады. Төтенше жағдайлар немесе көмек көрсету қажет болған жағдайда шұғыл түрде «112» нөміріне қоңырау шалу қажеттігін еске саламыз»,-делінген хабарламада.