Енді өңір тұрғындары мен қонақтары өздеріне белгілі болған құқық бұзушылық деректері туралы Жамбыл облысы ПД Өзіндік қауіпсіздік басқармасына  +7 707 890 9693 байланыс нөмірі арқылы тікелей хабарлай алады.

Сонымен қатар арнайы QR-код арқылы жедел түрде байланысқа шығу мүмкіндігі де қарастырылған.

Полиция қызметкерлерінің айтуынша, бұл бастама өз қатарларындағы сыбайлас жемқорлық көріністерінің алдын алу және жолын кесу, қызметтік тәртіпті нығайту, сондай-ақ қоғамның құқық қорғау органдарына деген сенімін арттыру мақсатында жүзеге асырылып отыр.

Қызметтің ашықтығын қамтамасыз ету, заңдылықты сақтау және құқық бұзушылықтар үшін жауапкершіліктің бұлтартпастығын қамтамасыз ету – полиция қызметінің басым бағыттарының бірі болып қала береді.

Ведомство мәліметінше, түскен барлық өтініштер Қазақстан Республикасының қолданыстағы заңнамасына сәйкес қаралып, тиісті шаралар қабылданатын болады.