Жамбыл облысы Жуалы ауданында, Алматы – Ташкент автожолының 570-шақырымында екі жеңіл автокөліктің қатысуымен жол-көлік оқиғасы тіркелді, деп хабарлайды arainfo.kz
Оқиға кезінде автокөліктерде барлығы 10 адам болған, олардың алтауы – балалар. Жол-көлік оқиғасы туралы хабар түскен бойда Жуалы ауданының ТЖМ құтқарушылары оқиға орнына жедел жетті.
Құтқарушылар зардап шеккендерді көліктерден шығарып, жедел жәрдем келгенге дейін алғашқы және психологиялық көмек көрсетті.
Медициналық қызметкерлер екі адамды аудандық ауруханаға жеткізсе, қалған зардап шеккендерді құтқарушылар емдеу мекемесіне апарды.
Ұқсас жаңалықтар
