Полицейлер қалааралық автожолдарда, автобекет маңында және жолаушылар көлігі жүретін негізгі бағыттарда рейдтер өткізуде.

Екі күнде техникалық ақауы бар көлікті пайдалануға шығарғаны және көлік пайдалану ережелерін бұзғаны үшін 11 жауапты лауазымды тұлға жауапкершілікке тартылды. Сондай-ақ, облыс бойынша 743 әкімшілік құқықбұзушылық анықталды. Оның ішінде 19 жүргізуші көлікті мас күйінде басқарған. Жол белгілері мен таңбалар талаптарын сақтағамағаны үшін 211 жүргізушіге айыппұл салынса, маневр жасау ережелерін бұзғаны үшін тағы 81 жүргізуші жауапқа тартылды.

Жолаушыларды тасымалдау және қауіпсіздік белдіктерін пайдалану талаптарын 85 жүргізуші әкімшілік жауапкершілікке тартылды, ал 2 жүргізуші жолаушыларды заңсыз тасымалдағаны үшін жазаланды. Полицейлер жолаушылар тасымалдау қызметін үнемі жасырынып ұсынған 2 такси жүргізушісін жауапқа тартты. 36 жүргізушіге көлікті заңсыз қайта жабдықтағаны үшін хаттама толтырылды. Іс-шара барысында 71 көлік арнайы айыптұраққа қойылды. Осы ретте облыстық полиция департаменті барлық жүргізушілермен мен тасымалдаушыларды қауіпсіздік мәселесіне толық жауапкершілікпен қарауға шақырады, бұл өз кезегінде адамдардың өмірі мен денсаулығын сақтаудың басты кепілі.