Жаза мерзімінің аяқталуына байланысты бостандыққа шыққан алматылық азаматқа «Қақпа алдында кездесу» әлеуметтік жобасы аясында әлеуметтік-құқықтық көмек көрсетіліп, тиісті түсіндірме жұмыстары жүргізілді. Сондай-ақ бұл күні ҚАЖ қызметкерлері сотталған назарына оған көрсетілетін кез келген көмектің көлемін анықтау мақсатында қажетті мәліметтерді ұсынды. 

Айта кетейік, А. есімді азамат Қылмыстық Кодекстің 120-бабы 1-бөлігімен кінәлі деп танылып, сот шешімінің негізінде бес жыл мерзімге бас бостандығынан айырылған болатын. 

Жалпы, «Қақпа алдында кездесу» әлеуметтік жобасы – жазасын өтеушілерді қоғамға қайта бейімдеуде маңызды рөл атқарады. Өйткені осынау жоба аясында сотты болған азаматтарға еркін өмірдегі құқықтары мен міндеттері кеңінен түсіндіріліп, олардың «екі қолына бір күрек» табуына жол ашылады