Қазақстан футбол федерациясының президенті Марат Омаров балалар футболының тәжірибелі бапкері Әлібек Жүсіповтің жол апатынан мезгілсіз қайтыс болуына байланысты марқұмның отбасы мен жақындарына қайғырып көңіл айтты.

Көңіл айту жеделхатында Әлібек Жүсіповтің балалар мен жасөспірімдер футболын дамытуға қосқан зор үлесі ерекше атап өтілді. Ол өзінің бапкерлік жолында көптеген жас футболшының талантын ашып, отандық футболға адал қызмет етті. Жақсы адам, білікті маман ретінде ел есінде мәңгі сақталатыны айтылды.

Қазақстан футбол федерациясы тарапынан марқұмның отбасына жан-жақты қолдау көрсетілетіні де хабарланды.

Марқұмның жаны жәннатта, жатқан жері жайлы болсын.