Сайысты ҚР Оқу-ағарту министрлігінің «Дарын» республикалық ғылыми-практикалық орталығы мен облыс әкімдігі білім басқармасының «Жамбыл дарыны» аймақтық ғылыми-практикалық орталығы ұйымдастырды.

Байқауға 84 оқушы қатысып, өз жобаларын қорғады. Қатысушылар 4 бағыт бойынша сынға түсті. Бірі туған өлкесінің көрікті жерлерін 3D форматта таныстырса, енді бірі экологиялық мәселелерге қатысты пікірталаста өз көзқарасын дәлелдеді. Сонымен қатар, экодизайн бағытында түрлі жобалар ұсынылып, қоршаған ортаны қорғау бойынша жүргізілген акциялар туралы бейнероликтер көрсетілді.

Жеңімпаздар алдағы уақытта республикалық кезеңде өңір намысын қорғайды. Ұйымдастырушылардың айтуынша, бұл байқау оқушылардың экологиялық мәдениетін қалыптастырып, табиғатты аялауға баулуға бағытталған. Сондай-ақ, жас зерттеушілердің ғылыми әлеуетін арттырып, экологиялық проблемаларды шешуге деген белсенділігін дамытуға мүмкіндік береді.

Еркебұлан МЫРЗАБЕК,
М.Х.Дулати атындағы
Тараз университетінің 4-курс студенті