Басқосуда мемлекеттік еңбек инспекциясы департаментінің басшысы Жарылқасын Айтақов 2024 жылы атқарылған жұмыстардың есебін берді.

Мемлекеттік еңбек инспекторлары облыстағы ұйымдар мен кәсіпорындарға жоспардан тыс 146 тексеру жүргізді. Нәтижесінде 336 заңбұзушылық анықталып, жұмыс берушілерге 79 орындауға міндетті нұсқама берілді.

Заңды және лауазымды тұлғаларға 19 ескерту жасалды, 19 әкімшілік құқықбұзушылық туралы қаулы шығарылды.

4,2 миллион теңге әкімшілік айыппұл салынып, оның 3 миллион 278 мың теңгесі өндірілді. Анықталған еңбек заңнамасының бұзушылықтары толық жойылды.

Бұдан бөлек, 22 кәсіпорынға профилактикалық бақылау жүргізілді.

2 085 жұмыскердің 421,1 миллион теңге жалақы қарызы өтелді.

Өңірдегі 11 468 ұйымда ұжымдық шарттар, сондай-ақ 2 291 кәсіпорында сақтандыру шарты жасалған.

Ербол Қарашөкеев жауаптыларға ұйымдар мен кәсіпорындарда еңбек даулары мен шиеленістерінің алдын алу үшін жұмыстарды жандандырып, бақылауды күшейтуді міндеттеді.

Бұдан бөлек, қауіпсіз еңбек ортасын қалыптастыру, бейресми жұмыспен қамтылған азаматтарды анықтау, олардың еңбек қатынасын заңдастыру шараларын жалғастыруды, сондай-ақ ұжымдық шарттардың рәсімделуін және орындалуын қамтамасыз етуді тапсырды.

Кеңесті қорытындылаған облыс әкімі келесі комиссия отырысында берілген тапсырмалар сараланып, Тараз қаласы мен аудан әкімдерінің жауапкершілігі қаралатынын ескертті.

Облыс әкімінің баспасөз қызметі