Біз жанбасақ лапылдап,
Аспан қалай ашылмақ...

Arainfo.kz - жастарға арналған басылым

Байланыс

Экологиялық акция жалғасуда

Экологиялық акция жалғасуда
Автор
«AMANAT» партиясы облыстық филиалының ұйымдастыруымен «Таза бейсенбі» экологиялық акциясы өтті.

Іс-шараға партияның облыстық және Байзақ аудандық филиалының қызметкерлері, «Жастар рухы» жастар қанатының белсенділері, жергілікті тұрғындар мен еріктілер қатысты. Олар Қызыл Жұлдыз және Қостөбе ауылдарының арасындағы күрежолдың бойын күл-қоқыстан тазартып, айналаны көгалдандыруға білек сыбана кірісті. Сонымен қатар, қатысушылар су көздерінің, арықтардың, саябақтар мен қоғамдық орындардың тазалығына көңіл бөліп, экологиялық жағдайды жақсарту мақсатында түрлі жұмыстар жүргізді.

Сондай-ақ аудандық маңызы бар жолдың бойын қоқыстан тазартып, тұрғындарды айналаны таза ұстауға, экологиялық жауапкершілікті арттыруға шақырды. Осы орайда ұйымдастырушылар табиғаттың тазалығын сақтау тек бір күндік шара емес, бұл өмір сүру салтына айналуы тиіс екенін ерекше атап өтті.

Жалпы өткен жылы басталған акция аясында жемісті жұмыстар жүргізіліп келеді. Мәселен 2024 жылы облыс көлемінде 10 мыңнан астам адамның қатысуымен тазалық жұмыстары жүргізіліп, 13 мың тоннадан астам қоқыс жиналған екен. Ал биыл 500-ден астам адам акцияға қатысты. Сонымен қатар, акция барысында ағаш отырғызу, гүлзарлар орнату, демалыс орындарын абаттандыру жұмыстары қолға алынған.

Сымбат ҚУАНЫШ

AR-AY
Автор

AR-AY

Arainfo.kz жастар газеті

Ұқсас жаңалықтар