– Республикалық домбырашылар челленджіне осымен үшінші жыл қатарынан қатысып келемін. Оқушылар сарайында төрт жылдан бері домбыра үйірмесінен сабақ алып, алған білімімді осындай жиындарда тәжірибеден өткіземін. Әрине, қазір қол үйреніп, домбыраның кез келген қағысын меңгергеннен кейін бүгінгі орындалған күйлерді ойнау қиынға соқпады. Сондай-ақ арамызда тәжірибелі домбырашылар да бар. Біз жоғары сынып оқушылары болғандықтан сырт қалаларда өтетін жарыстарға жиі барамыз. Нәтиже де жаман емес, – дейді үйірме оқушысы Ералы Мұратұлы.

Білім алушылар «Күй күмбірі» республикалық домбырашылар челленджінде Құрманғазы Сағырбайұлының «Балбырауын», «Адай», «Сарыарқа», Нұрғиса Тілендиевтің «Әлқисса», Әбдімомын Желдібаевтың «Ерке сылқым» күйлерін орындады.

Мұқағали БАЛТАБАЕВ