Жуырда Қазақстан Республикасының Энергетика министрі болып тағайындалған Ерлан Ақкенженов ант берді.

Ерлан Ақкенженов Үкімет отырысында өзінің антында:  
"Қазақстан Республикасының халқы мен Президенті алдында өз Отаным – Қазақстан Республикасының экономикалық және рухани даму ісіне барлық күш-жігерім мен білімімді жұмсауға, мемлекеттің Конституциясы мен заңдарын қатаң сақтауға, өзімнің барлық іс-әрекетімде заңдылық пен әділеттік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, сондай-ақ өз елімнің мемлекеттілігі мен дүниежүзілік қоғамдастықтағы беделін нығайтуға салтанатты түрде ант етемін", - деді.

Премьер-министр Олжас Бектенов жаңа Үкімет мүшесінің қызметіне табыс тіледі.