Белгілі спортшы және Мәжіліс депутаты Дәулет Тұрлыханов Азия күрес федерациясы (UWW Asia) президенттігінен кетіп, орнына иорданиялық Мохаммед Әл-Авамала тағайындалды.

Бұл шешім Иордания астанасы Амман қаласында өткен федерацияның бас ассамблеясында қабылданды. Мохаммед Әл-Авамала аталған лауазымға 38 дауыстың 34-ін жинап сайланды. Енді ол 2028 жылға дейін Азия күрес федерациясын басқаратын болады.

Дәулет Тұрлыханов бұл қызметті 2017 жылдың мамырынан бері атқарып келген болатын.

Сонымен қатар, Иордания астанасы Амман қаласында өтетін күрес түрлерінен Азия чемпионатына қатысатын Қазақстан құрамасы да анықталды.