Кикбоксинг федерациясының президенті тағайындалды
- author AR-AY
- 21 наурыз, 2025
- 57

– Өңірімізде кикбоксинг спортының дамуына өз үлесін қосып жүрген жаттықтырушыларымыз жетерлік. Солардың біршамасы қазір арамызда отыр. Ең әуелі мен сол кісілерге алғысымды білдіремін. Кикбоксинг спорты бойынша жамбылдық жампоздар жоғары жетістіктерге жетіп, абыройымызды асқақтатып жүр. Аталған спорт түрі облысымызда жыл өткен сайын қарқынды дамуда. Сол себепті федерация құру кикбоксинг спортының алға жылжуына жасалған маңызды қадам. Облыс әкімінің келісімімен, денешынықтыру және спорт басқармасының қолдауымен, федерация мүшелерінің шешімімен кикбоксинг федерациясының төрағасы болып Бақытжан Әсембекұлы тағайындалды. Бақытжан Әсембекұлы, қызметіңізге сәттілік тілеймін, – деді облыс әкімінің орынбасары Серік Жақсылықұлы.
Қазіргі таңда облысымызда бұл спорт түрімен 1 430-дан астам жасөспірім айналысса, отыз шақты спортшы халықаралық дәрежедегі спорт шебері атанған. Жоғары жетістіктерге қол жеткізуде 25 білікті жаттықтырушы аянбай еңбек етуде.
Мұқағали БАЛТАБАЕВ