Жиынға спикер ретінде шақырылған облыстық «Jambyl» телеарнасының журналисі Риналь Рахматуллин қатысып, журналистика саласының қызығы мен шыжығы туралы әңгімеледі.

– Медиа саласының ауқымы кеңейіп, ақпарат толқынының арнасы артқан сайын журналистиканың ықпалы өсуде. Журналист – қоғам білуі тиіс әртүрлі ақпараттарды жинап, халыққа жария ететін ақпарат майдангері. Ал журналистің басты ұстанымы – қоғам алдындағы шынайылығы, – деді Р.Рахматуллин.

Сонымен қатар басқосуда блогер, сюжетмейкер, мобилография сарапшысы, Яна Муравьева «Бейненің 7 құпиясы: түсірілімнен баспаға дейін» атты шеберлік сабағын өткізді. Бұдан өзге жастар семинар барысында «Стратегиядан нәтижеге дейін: кезең-кезеңімен тиімді маркетинг» атты SMM маманы, маркетолог, таргетолог Евгения Калашникованың шеберлік сабағына да қатысты.

Элизат ҚОНЫСБАЙ,
«Қоғамдық келісім»
коммуналдық мемлекеттік
мекемесінің
«Ақпараттық жұмыс және
қоғаммен байланыс»
бөлімінің жетекші
сарапшысы