Жыл басынан бері жүргізілген мониторинг нәтижесінде мемлекеттік органдардың  107 сатып алу жоспарлары қайта қаралып, 1,1 млрд теңге бюджет қаражаты үнемдеді.

Мәселен, Т.Рысқұлов және Қордай аудандарының орталық аудандық ауруханалары тауарларды (майлықтар, кеңсе жабдықтарына арналған қағаздар, көмір және т.б. тауарлар) жоспарланған сатып алу жалпы сомасы 80 млн. теңгеден астам сомаға асыра бағаланған.

Департаменттің ұсынымынан кейін аталған жоспарлар қайта қаралып, 80 млн теңге бюджет қаражаты үнемделді.

Бұл туралы Жамбыл облысы бойынша өңірлік коммуникациялар қызметінде өткен брифинг барысында ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаментінің басшысы  Е.Мақажанов  мәлімдеді.