Облыс әкімінің баспасөз қызметінің жетекшісі-баспасөз хатшысы болып Жанғазы Ахметов тағайындалды. Жанғазы Сембайұлы Ахметов 1991 жылы Жамбыл облысы, Жуалы ауданы, Шақпақата ауылында дүниеге келген. Білімі жоғары. М.Х.Дулати атындағы Тараз өңірлік университетін «Журналистика» мамандығы бойынша тәмамдаған. Еңбек жолын 2011 жылы Жамбыл облыстық «Aq jol» газетінде тілші болып бастаған. Әр жылдары Жуалы аудандық «Жаңа өмір» газетінде аға тілші, Жамбыл облыстық «Aq jol» газетінде тілші қызметін атқарған. Бүгінге дейін Жамбыл облысы әкімі баспасөз қызметіндегі бас инспекторы лауазымында еңбек етіп келді. Облыстық, республикалық мүшәйралардың жүлдегері. «Мен сондаймын» атты жеке жыр жинағының авторы. Отбасылық жағдайы: үйленген, екі баланың әкесі.