Данияр Асқарұлы «AULIEATA-MEDIA» ЖШС Бас директоры міндетін атқарушы болып тағайындалды. Бұған дейін Жамбыл облысы әкімінің баспасөз хатшысы-баспасөз қызметінің жетекшісі қызметін атқарып келген Данияр Асқарұлы енді облыстық «Aq jol», «Знамя труда» және «AR-AI» газеттерін және «Jambylinfo» ақпараттық агенттігін біріктіріп отырған «Aulieata-media» ЖШС-на басшылық ететін болады. Данияр Асқарұлы 1993 жылы 24 қазанда Жамбыл облысының Жуалы ауданында дүниеге келген. Білімі жоғары. Отбасылы, үш бала тәрбиелеп отыр. Еңбек жолын 2013 жылы РТРК «Қазақстан» АҚ Жамбыл облыстық филиалында журналист-редактор болып бастаған ол әр жылдары «TarazPost» ақпарат агенттігінің бас редакторы, «QAZAQSTAN» ұлттық телеарнасының Жамбыл облысы бойынша меншікті тілшісі қызметтерін атқарған. 2021 жылдан бастап бүгінге дейін Жамбыл облысы әкімінің баспасөз хатшысы-баспасөз қызметінің жетекшісі лауазымында еңбек етіп келді.