«БАЛАНЫ ЖАСТАН...»
Облыс аумағында жыл басынан бастап 204 жасөспірімнің үйден өз бетінше кетуінің 187 фактісі тіркелген. Жедел-iздестiру шараларының нәтижесінде барлығы аз ғана уақыттан кейін аман-есен табылып, заңды өкілдеріне қайтарылған.
Талдауға сәйкес, жасөспірімдердің үйден кетуінің негізгі себептері – отбасындағы жанжал, ата-аналары немесе басқа заңды өкілдері тарапынан бақылаудың болмауы, олардың жұмыспен қамтылуы және балаларының өмірі мен мүдделеріне немқұрайды қарауы.
Мысалы, 27 қазанда 16 жастағы 2 қыз облыс орталығындағы оқу орындарынан шығып, үйлеріне оралмаған. Ата-аналары мен туыстары полициядан көмек сұрайды. Сонымен «Дабыл» командасымен полиция департаментінің барлық жеке құрамындағы полиция күштері жұмылдырылады. Іздеу жұмыстарына қоғамдық белсенділер мен еріктілер қосылып, қыздар табылып, ата-аналарына табысталады. Кәмелетке толмаған қыздардың отбасылық жанжалдан кейін үйден кеткені анықталған.
Статистикаға сәйкес, үйден көбіне 14-17 жас аралығындағы жасөспірімдер кетіп қалады.
Бала – шын мәнінде өте осал және қорғансыз. Бала үйден алғаш рет кеткен кезде ата-ананың өз мінез-құлқына мән беруi маңызды. Ол бастапқы кезеңде жағдайды түзете алады, отбасындағы қарым-қатынасты қалпына келтіреді.
– Болған оқиғаға тек бір баланы кінәлі ету мүмкін емес. Бұл мәселеде ата-аналар маңызды рөл атқарады. Үйден кету – ата-аналар мен балалар арасындағы байланыстың болмауының салдары. Егер сіздің балаңыз үйден кетіп қалса немесе кетемін деп қорқытса – бұл жағдайды елеусіз қалдырмаңыз. Алғашқы кету баланың психологиялық күйiн және оның отбасымен байланысын бұзады. Баланың мінез-құлқы – бұл отбасындағы жағдайдың көрінісі. Балаларға өз қалауыңызды, бақылауыңызды енгізуге тырыспаңыз, балаларды қолдау және қабылдау қажет. Әрқашан олармен сөйлесіп, олардың сізге өте қымбат екенін түсіндіріңіз, – дейді облыстық полиция департаментінің арнайы тапсырмалар жөніндегі аға инспекторы Әлішер Қалышев.
Облыстық полиция департаменті ата-аналарды балаларының мінез-құлқына мұқият болуға және олардың уақытын бақылауға шақырады. Кәмелетке толмағандарды тәрбиелеу және білім беру, олардың құқықтары мен мүдделерін қорғау жөніндегі міндеттерді орындамағаны үшін ҚР ҚР Әкімшілік құқықбұзушылық туралы кодексінің 127-бабына сәйкес заңды өкілдерге қатысты іс материалдарын сотқа бере отырып, әкімшілік жауапкершілік көзделгенiн ескертеді.
Айжан Өзбекова
Келесі мақала
«АДАЛДЫҚҚА БІР ҚАДАМ» АКЦИЯСЫ ЖАЛҒАСУДА
Ұқсас жаңалықтар
Әлеумет
Техникалық білімі бар қызметкерлерге күтілетін сұраныс жоғары- Светлана Жақыпова
- авторAR-AY
- 10 қыркүйек, 2024