Жақында Астана қаласындағы «Қазмедиа орталығында» ХІ Азаматтық форум өтті. Онда алғаш рет республика бойынша қайырымдылыққа қатысты құрметті атақтар табысталды. «Қайырымдылық туралы» Заңға енгізілген түзетулер шеңберінде, елімізде алғаш рет қайырымдылық саласында құрметті атақ белгіленді. Бұл атақ – қайырымдылық саласын дамытуға елеулі үлес қосқандарды, қайырымдылық ұйымдарын және қайырымдылық волонтерлерін көтермелеуге бағытталған. Еліміз бойынша бұл атаққа 130-дас астам өтінімдер қабылданды. Осы орайда Ш.Мұртаза атындағы Халықаралық Тараз инновациялық институтының «Экономика және бизнес» факультетінің «Мемлекеттік жергілікті басқару» мамандығының 2- курс студенті Азамат Намелбек «Қайырымдылық саласындағы құрметті медальмен» марапатталды. Ақтоты Жаңабай