Жамбыл облысы бойынша Қылмыстық-атқару жүйесі департаментіне бағынысты №26 түзеу мекемесінде сенбілік ұйымдастырылды. Жоспарға сай өткен тазалық шарасы барысында мекеме аумағы тазаланып, күл-қоқыстан арылтты. Сондай-ақ қоршаулар сырланып, мекеменің қас беттері ақталды. Жалпы, аталған мекемеде тазалық жұмыстары үнемі жүргізіледі. Ерте көктемде көшеттер отырғызылып, арнайы күтімге алынады. Бұдан бөлек, мекеме басшылығының тікелей бастамасымен жыл сайын айналаға сән де, әр де беретін раушан гүлдері отырғызылады. Бұл - ҚАЖ қызметкерлерінің тазалық жұмысына бей-жай қарамайтындығының және туған өлкенің гүлденуіне атсалысуға әзір екендігінің дәлелі.