Ертеңнен бастап Тараз қаласының TulparCard электрондық билеттендіру жүйесінде төлемнің жаңа түрі – Kaspi QR қолжетімді, деп хабарлайды Arainfo тілшісі әкімдіктің инстаграм парақшасына сілтеме жасап. Жол ақысын төлеу үшін Kaspi.kz қосымшасына кіріңіз және стационарлық валидатор дисплейіндегі немесе TulparCard жапсырмасындағы QR кодты сканерлеңіз. Kaspi QR – арқылы жол ақысын төлеу жолаушылардың барлық санаттары үшін – 85тг. Сонымен қатар бұрынғы қолданыстағы төлемдердің барлық түрі қолжетімді: көлік картасымен, SMS, QR код немесе сандық кодпен TulparCard мобильді қосымшасы арқылы да төлем жасай аласыз.