14-23 наурыз аралығын қамтитын бұл кезеңнің әр күніне арнайы мазмұн жүктеліп, ұлттық құндылықтарды жаңаша дәріптеу үрдісі қалыптасты. Көрісу, қайырымдылық, мәдениет пен салт-дәстүр, шаңырақ, ұлттық киім, жаңару, ұлттық спорт, ынтымақ, жыл басы және тазару күндері халықтың дүниетанымы мен өмір салтын айшықтайды.

Осы онкүндіктің алтыншы күні – Жаңару күні. Бұл күні өңірлік Қылмыстық-атқару жүйесі департаментіне бағынысты №26 мекемесіндегі жазасын өтеушілерге арнайы дәріс өткізілді. Жалпы, мәдени-танымдық шара аясында дәстүр мен рухани құндылықтарды насихаттауға басымдық берілді. 

– Ұлыстың ұлы күні тек табиғаттың емес, адамның да ішкі жаңаруына бастайтын рухани кезең. Бұл күні тек табиғаттың түрленуімен ғана емес, қоғамның да серпілісін білдіреді. Адам баласы айналасын тазалап, ой-санасын жаңғыртып, жаңа бастамаларға қадам басады, – делінген ақпаратта.