Осы айтулы датаға орай ақынның облыс әкімдігі алдында тұрған еңселі ескерткішіне гүл шоқтарын қою салтанатты рәсімі өтті.

Жамбыл Жабаев — қазақтың суырыпсалма ақындық өнерін биік деңгейге көтеріп, замана шындығын жырға қосқан көрнекті тұлға. Оның жалынды жырлары елдік пен ерлікті ұлықтап, ұлт руханиятының алтын қорына айналды.

Бүгінде тұлға есімін еншілеген облысымызда 1 аудан, 4 ауылдық округ, 4 елді мекен, 1 даңғыл, 81 көше және 9 білім беру ұйымы ақын атымен аталады. Бұл — халықтың арда перзентіне деген шынайы құрметінің айқын көрінісі.

Ақын есімін ұлықтау, бай мұрасын насихаттап, кейінгі буынға аманат ету — баршамыз үшін мәртебелі міндет.

Жыр алыбының асыл мұрасы мен өнегелі жолы ұрпақ санасында мәңгі сақталып, ұлттық әдебиет пен мәдениеттің дамуына әлі де талай серпін беретіні сөзсіз.