Қызмет eGov.kz порталы мен eGov Mobile қосымшасы арқылы қолжетімді.

Бұрын онлайн өтінім тек қолданыстағы құжат болғанда немесе куәлік жоғалған, ұрланған, не аты-жөні өзгерген жағдайда ғана қабылданатын. Енді мерзімі өтіп кеткен куәлікті де интернет арқылы ауыстыру мүмкіндігі бар.

eGov.kz порталы арқылы рәсімдеу тәртібі:

Порталға кіріп, «Азаматтарға» → «Көлік және коммуникациялар» → «Автомобиль көлігі» бөліміне өтіңіз;

«Жүргізуші куәлігін алу» қызметін таңдаңыз;

Дайын құжатты алатын ХҚКО-ны белгілеңіз;

Фото жүктеп, қолтаңба үлгісін және байланыс нөмірін енгізіңіз;

Мемлекеттік бажды төлеңіз (1,25 АЕК);

Өтінімді ЭЦҚ немесе басқа қолжетімді тәсілмен растаңыз.

Егер бұрын төлем жасалған болса, «Бұрын төленген» функциясын пайдалануға болады.

eGov Mobile арқылы:

Қосымшада «eGov Мемлекеттік қызметтер» → «Жүргізу және көлік» бөліміне кіріңіз;

«Жүргізуші куәлігін беру» қызметін таңдаңыз;

Фото мен қолтаңба үлгісін енгізіңіз;

ХҚКО бөлімін көрсетіңіз;

1,25 АЕК көлеміндегі бажды төлеңіз;

Өтінімге қол қойыңыз.

Қызмет нәтижесі қалай беріледі?

Өтінімнің мәртебесі:

eGov.kz порталындағы Жеке кабинет → «Хабарламалар» бөлімінде;

eGov Mobile қосымшасындағы «Жеке кабинет тарихы» бөлімінде көрсетіледі.

Дайын құжатты таңдаған ХҚКО-дан жеке куәлігіңізді көрсетіп аласыз. Фото жүктеу кезінде белгіленген техникалық талаптарды сақтау міндетті.

Қызметтің толық сипаттамасы мен талаптары порталдағы қызмет паспортында жарияланған.