Шетелдік дереккөздерге сүйенсек, кибералаяқтар GhostPairing деп аталатын әдісті қолдануда. Бұл тәсіл пароль бұзуды немесе SIM-картаны ауыстыруды қажет етпейді. Алаяқтар WhatsApp-тағы қосымша құрылғыларды байланыстыру функциясын пайдаланып, аккаунтқа заңды түрде қол жеткізеді.

Сценарий бойынша пайдаланушыға Facebook немесе WhatsApp атынан жалған хабарлама жіберіледі. Ол хабарлама визуалды түрде ресми интерфейске ұқсас фейк-парақшаға бағыттайды. Сол жерде телефон нөмірі мен растау кодын енгізген соң, алаяқ жәбірленушінің аккаунтына толық қол жеткізеді. Бұл ретте телефон қалыпты жұмыс істеп, күдік тудырмайды.

Аккаунттың бұзылғанын анықтаудың жалғыз жолы – «Байланыстырылған құрылғылар» бөлімін тексеру. Белгісіз құрылғы анықталса, оны дереу өшіру қажет.

Полиция азаматтарды сақ болуға, күмәнді хабарламаларға сенбеуге, WhatsApp кодын бөгде сайттарға енгізбеуге және екі факторлы аутентификацияны қосуды ұсынады.