Шараны кітапхана қызметкерлері өткізіп, оның негізгі мақсаты – мүмкіндігі шектеулі жандарға рухани қолдау көрсету, олардың қоғамға белсенді араласуына мүмкіндік беру және кітап оқу мәдениетін насихаттау болды.

Әдеби алтыбақан барысында қатысушылар танымдық сұрақтарға жауап беріп, қазақ әдебиеті мен поэзиясынан үзінділер оқыды, еркін пікір алмасты. Сондай-ақ өмірге құштарлық, төзімділік пен табандылық туралы кітаптар таныстырылды.

Шара орталық тұрғындары мен қызметкерлері үшін ерекше жылы атмосферада өтіп, қатысушыларға көтеріңкі көңіл-күй сыйлады.