Бұл жоспардан асып, емханалардағы кезектерді қысқартуға мүмкіндік берді.

Медициналық көмектегі онлайн-қызметтердің үлесі жоспарланған 7%-дың орнына 8,65%-ды құрады. Қызметтердің өсуіне мына жаңалықтар ықпал етті:

• мейіргерлерге бірқатар функцияларды кеңейтілген түрде беру;
• қабылдауға қашықтықтан алдын ала жазылу жүйесін енгізу;
• «жоспарланған қабылдау» арқылы пациент маршрутын оңтайландыру.

Ауыл және шалғай аймақтарда 2025 жылы 8 өңірдегі 100 медицина ұйымын қамтыған «Онлайн-медицина» пилоттық жобасы іске қосылды. Енді дәрігерлердің консультациясын бейінді мамандар жоқ елді мекендерде де алуға болады.

Сонымен қатар, цифрлық технологиялар медицина қызметкерлеріне де тиімді: электрондық рецепт рәсімдеуге кеткен уақыт 60%-ға, жүкті әйел картасын толтыру уақыты 40%-қа қысқарды.

Жыл соңына дейін Денсаулық сақтау министрлігі Бірыңғай медициналық деректер қоймасын құру арқылы цифрлық денсаулық сақтау инфрақұрылымын одан әрі жетілдіруді жоспарлап отыр.