Еліміздегі республикалық және халықаралық маңызы бар ақылы жолдарда жаңа ереже күшіне енді. Бұдан былай жолдың белгілі бір бөлігі жөндеуді талап етсе, сол учаске толық қалпына келтірілгенге дейін жүргізушілерден ақы алынбайды.

Мәселен, 100 шақырымдық ақылы жолдың 5 шақырымы ақаулы болса, жүргізушілер тек 95 шақырым үшін ғана төлейді.

Ұлттық оператор жолдардың жағдайын бақылап отырады. Жүргізушілер ақаулар туралы тәулік бойы жұмыс істейтін 1403 нөміріне хабарлай алады.

Айта кетейік, қазіргі уақытта Қазақстанда барлығы 27 ақылы жол бар.