Бұл еліміздің аталмыш халықаралық додада көрсеткен ең жоғары нәтижесі.

Чемпионатқа 32 елден 25 жасқа дейінгі 600 үздік жас маман қатысты. Қазақстандық колледж студенттері веб-технологиялар, мехатроника, графикалық дизайн, CAD инженерлік графикасы, желілік әкімшілендіру сынды 25 құзырет бойынша бақ сынады.

Жеңімпаздар қатарында:

• Мұхаметжан Ағыбай (веб-технологиялар, «Best of Nation» иегері);
• Артем Мочинский мен Данил Турапин (мехатроника);
• Бағыжан Қойшыбаев (графикалық дизайн);
• Данил Лапенко мен Глеб Сауленко (желілік әкімшілендіру);
• Бақдаулет Қуаныш (CAD инженерлік дизайн).

Ұлттық құрама жеңісімен Оқу-ағарту министрі Ғани Бейсембаев құттықтап, бұл жетістік техникалық және кәсіптік білім беру жүйесінің жаңа деңгейге көтерілгенін атап өтті.

Естеріңізге сала кетейік, 2023 жылы Қазақстан EuroSkills чемпионатында 2 медальон иеленген болатын. Биылғы жетістік – еліміздің кәсіби білім беру саласы үшін тарихи көрсеткіш.