2025 жылғы 9 қыркүйекте Мемлекет басшысы Қасым-Жомарт Тоқаевтың Жарлығымен Марат Кенжеғалиұлы Әшім Қазақстан Республикасы Президентінің кеңесшісі – Президент Протоколы қызметінің бастығы лауазымына тағайындалды.

1987 жылы Алматыда туған ол халықаралық қатынастар, экономика және бизнес салалары бойынша білім алған, ҚР Президенті жанындағы Мемлекеттік басқару академиясының Дипломатия институтының түлегі.

Марат Әшім еңбек жолын заңгерліктен бастап, ҚР Сыртқы істер министрлігінде, кейін Президенттің Протокол қызметінде түрлі қызметтер атқарған. 2023 жылдан бері Протокол қызметінің бастығы болып еңбек етіп келген.