ҚР Оқу-ағарту министрлігінің Республикалық ғылыми-практикалық білім мазмұнын сараптау орталығы оқулықтарды сараптау үшін педагог-сарапшыларды іріктеудің жаңа кезеңін бастады, деп хабарлайды arainfo.kz
Барлық рәсімдер E-EXPERT.GOV.KZ платформасында онлайн форматта өтеді. Бұл үміткерлерге еліміздің кез келген өңірінен тең мүмкіндік береді.
Қазіргі уақытта орталық базасында жаңа формат бойынша оқыту мен байқау кезеңдерін сәтті аяқтаған 400-ден астам сарапшы тіркелген.
E-EXPERT.GOV.KZ жүйесі құжаттарды қабылдау, тестілеу, әңгімелесу, эссе жазу, модульдік оқыту және қорытынды сертификаттауға дейінгі негізгі үдерістерді автоматтандырды.
«Платформаны енгізу — іріктеуді барынша ашық әрі ыңғайлы етті. Қазір біз педагогтерді сапалы іріктеуді қамтамасыз етіп, сарапшылар қауымдастығын тиімді қалыптастырып отырмыз», — деді орталық директоры Назира Абдрахманова.
Ұқсас жаңалықтар
