Қасымбаевтың есімі 2024 жылғы қазан айында Талғарда болған жанжалдан кейін белгілі болды. Ол оқиға 16 жастағы Шерзат Полаттың өлімімен аяқталып, қоғамда "Хуторские" деп аталатын қылмыстық топ туралы әңгіме тарады. ІІМ мұндай топтың барын жоққа шығарғанымен, Қасымбаев пен бірнеше адам қамауға алынған.

Айыпталушыға үш бап бойынша айып тағылды: адам ұрлау, қасақана ауыр дене жарақатын келтіру және қорқыту. Ол 2024 жылғы 2 қарашада ұсталған. Сонымен бірге тағы бес күдікті сот алдында жауап беруде.

Сот процесі қазақ тілінде, судья Айнагүл Тұқабаеваның төрағалығымен ашық режимде өтіп жатыр. Жәбірленушілер қатарында екі адам бар, олардың деректері жария етілмеген.

Тамыз айының басында тергеу аяқталған болатын.