Президент Алакөл маңындағы туристік аймақтың демалушыларды қабылдауға жеткілікті дайын емес екенін атап өтіп, бұл мәселеге Үкіметтің назарын аударды. Бұл шешім халықтан түскен көптеген шағымнан кейін қабылданды.

Атап айтқанда, аймақта туристік инфрақұрылым, қызмет көрсету сапасы мен қауіпсіздік деңгейі тиісті талаптарға сай емес.

Осыған байланысты Мемлекет басшысы Үкіметке елдегі барлық туристік бағыттарды жедел тексеріп, кемшіліктерді жоюды және жауапты лауазымды тұлғаларды жауапкершілікке тартуды тапсырды.