Бұған дейінгі редакцияда ата-ананың материалдық немесе отбасылық жағдайының өзгеруі алимент мөлшерін өзгертуге автоматты негіз бола алмайтыны көрсетілген еді. Енді бұл норма қаулыдан алынып тасталды.

Бұл өзгерістер Конституциялық Соттың 2024 жылғы 24 желтоқсандағы №58-НҚ қорытынды шешіміне сәйкес жүзеге асырылып отыр.

Конституциялық Сот аталған қаулының алимент сомасы төлеушінің жалақысы мен табысының 50%-нан асып кеткен жағдайда бірнеше сот актісі негізінде өндіріп алу мәселесін жеткілікті түрде түсіндірмегенін атап өтті.

Жаңартылған қаулы алимент даулары бойынша істерде баланың мүддесін барынша қорғау, сондай-ақ төлеушінің шынайы қаржылық жағдайын ескеруге мүмкіндік береді.