Ведомствоның мәлімдеуінше, туристік қозғалыстың артуына байланысты Қазақстанға тән емес қауіпті инфекциялардың елге әкеліну қаупі сақталып отыр.

Тропикалық инфекциялар жиі кездесетін негізгі өңірлер — Африка, Оңтүстік Америка және Оңтүстік-Шығыс Азия. Бұл аймақтарда аурулар:

• Жоғары жұқпалылықпен,
• Ауыр ағымымен,
• Емдеудегі күрделілігімен ерекшеленеді.
• Жұқтыру жолдары
• Инфекциялар көбіне келесі жолдармен жұғады:
• Ластанған су мен тағам арқылы,
• Маса секілді жәндіктердің шағуы арқылы,
• Науқастармен немесе биологиялық сұйықтықтармен байланыс арқылы,
• Жыныстық жолмен.

Денсаулық сақтау министрлігі келесі сақтық шараларын ұстануға кеңес береді:

• Тек бөтелкедегі немесе қайнатылған суды пайдалану,
• Жеміс-көкөністерді жақсылап жуып, қайнаған сумен шаю,
• Қол гигиенасын сақтау,
• Жабық киім киіп, масаға қарсы репеллент қолдану,
• Москит торлары мен фумигаторларды пайдалану.

Ауру белгілері байқалса, өз бетінше емделмей, бірден медициналық көмекке жүгіну қажет.

Статистикалық деректер

• Қазақстанда 17 өткізу бекеті санитариялық-карантиндік бақылаумен қамтамасыз етілген;
• Күн сайын шекарадан 50 мыңнан астам адам өтеді;
• 2025 жылдың алғашқы 5 айында елге 2,6 миллион адам кірген, олардың 43-інде дене қызуы анықталып, тиісті көмек көрсетілген.

Министрлік шетелге шығар алдында баратын елдің эпидемиологиялық жағдайын тексеріп, алдын ала дәрігерден кеңес алуға және жеке қорғаныс құралдарын алып жүруге кеңес береді.