Бұл шараның негізі мақсаты – сотталғандардың психологиялық жағдайын жақсарту, олардың мінез-құлқындағы жағымсыз тұстарын барынша өзгерту әрі жазасын өтеушілерді алға қойған мақсат-мүдделеріне жетуге талпындыру. 

Тренинг барысында мекеме психологы Айгерім Саурбаева басшылығымен «Менің мінезім», «Мен – мекемеде», «Мен – мектепте» және «Ыстық картоп» жаттығулары орындалды. Өз кезегінде қатысушылар топтағы қағидаға сәйкес, бір-біріне кедергі келтірмей, белсенділік таныту арқылы бірігіп жұмыс істеді. Бұдан бөлек олар өз ойын ашық айтуға талпынып, пайдалы іске ұмтылу мен қай ортада өзін еркін ұстауға машықтанды.

Айта кетейік, аталған түзеу мекемесінің психологтары әрдайым арнайы контингент өкілдеріне қол ұшын созып келеді. Нәтижесінде, жазасын өтеушілер түрлі жағдайларда оң шешім қабылдауға әуестенген.