Қазақстанда оқушылардың қауіпсіздігін қамтамасыз ету мақсатында мектеп күзетшілері үшін бірыңғай талаптар бекітілді. Енді күзетшілердің жасы 25-50 аралығында болып, арнайы дайындығы, қарумен жұмыс істеуге лицензиясы, сотталмаған болуы, кеңсесі мен жедел әрекет ететін кемінде екі тобы болуы тиіс.

Мектептерде төтенше жағдайларға арналған арнайы алгоритмдер енгізіліп, жылына екі рет оқу-жаттығулар өтеді. Қазір 6,6 мың мектеп пен балабақша, 700 колледж бейнебақылау және лицензияланған күзетпен қамтылған. 220 мыңнан астам камера Жедел басқару орталығына қосылып, бейнежазбалар 30 тәулікке дейін сақталады.