2025 жылғы 28 ақпанда және 10 қазанда Қазақстан Республикасы Энергетика министрлігінің ресми сайтында көмірсутектер бойынша жер қойнауын пайдалану құқығын беру жөніндегі аукционды өткізу туралы хабарлама жарияланды.

Аукцион "Жер қойнауы және жер қойнауын пайдалану туралы" ҚР Кодексінің 95-бабының 2-тармағына сәйкес өтініштер негізінде ұйымдастырылады. Сауда www.e-kazyna.kz электрондық платформасы арқылы өткізіледі.

Биылғы аукционға жалпы саны 11 жер қойнауы учаскесі шығарылып отыр. Олардың кейбірінің бағасы 15 миллион АҚШ долларына дейін жетеді.

Аукцион өткізу тәртібі мен шарттары ҚР Кодексінің 93–99-баптарына және ҚР Энергетика министрлігінің 2020 жылғы 30 шілдедегі №269 бұйрығымен бекітілген электрондық аукцион өткізу қағидаларына сай реттеледі.