2025 жылғы 21 сәуірде Түрікменстан Халк Маслахатының төрағасы Гурбангулы Бердімұхамедов ресми сапармен Қазақстанға келді. Құрметті меймандарды Түркістан халықаралық әуежайынан Қазақстан Республикасының Президенті Қасым-Жомарт Тоқаев өзі қарсы алды.

Сапар барысында мемлекет басшылары бейресми кездесу өткізіп, Түркістан қаласындағы бірқатар маңызды нысандарды бірге аралады. Бұл кездесу бауырлас елдер арасындағы стратегиялық әріптестікті нығайта түсуге бағытталған маңызды қадам болды.

Мемлекет басшысы мәртебелі мейманға ілтипат білдіріп, еліміздің рухани астанасы, түркі халықтарына ортақ қасиетті мекен саналатын Түркістан қаласына сапармен келгені үшін ризашылығын жеткізді.