Кезекті 2-7-сынып оқушыларының зерттеу жобалары мен шығармашылық жұмыстары қаралған ХХ «Зерде» сайысы да өз мәресіне жетті. Ақмола облысы, Щучинск қаласында орналасқан «Балдәурен» республикалық оқу-сауықтыру орталығының базасында өткен байқауда жамбылдық өрендер тағы да топ жарды.

Жарыс – математика, қолданбалы математика, физика, космос, туризм және спорт, химия, биология, информатика, робототехника, STEM инженерия секциялары бойынша ұйымдастырылды.

Байқау қорытындысы бойынша облысымыздан қатысқан 11 оқушы жеңімпаз атанды. Өзгелерден оқ бойы озық шыққан Талас ауданы, Қаратау қаласындағы мектеп-лицейдің 2-сынып оқушылары Сембек Нұрасыл, Раяна Сүйенішбай мен Жамбыл ауданы, Гродеково орта мектебінің 4-сынып оқушысы Айару Хайдарбек бірінші дәрежелі дипломмен марапатталды. Екінші дәрежелі дипломмен 4 және үшінші дәрежелі дипломмен 2 оқушы марапатталды.

Сонымен қатар қоғамдық-гуманитарлық бағытының қазақ тілі мен әдебиеті, орыс тілі мен әдебиеті, ағылшын тілі, тарих, өлкетану, этномәдениеттану, медицина, психология, экология, технология және өнер секциялары бойынша да сайыс ұйымдастырылды. Аталған секцияға облыстан 15 оқушы 14 жобамен бәсекеге түсіп, нәтижесінде 12 оқушы жеңімпаз атанды. Жуалы ауданы, Ә.Бөкейхан атындағы №15 тірек мектеп-лицейінің 5-сынып оқушысы Айару Мәулембек болса, грамота иеленді.

Жас зерттеуші ғалымдарды жарқын жеңістерімен құттықтаймыз!

Аружан ДҮЙСЕБАЙ,
«Жамбыл дарыны» аймақтық
ғылыми-практикалық орталығының
«Дарынды оқушылардың жобалық және
зерттеушілік қабілетін дамыту» бөлімінің әдіскері