Басқосуды ашқан Тараз «Парасат» жоғары колледжі директорының оқу-өндірістік ісі жөніндегі орынбасары Динара Исмаилова қазіргі білім беру бағдарламаларының еңбек нарығына сай мамандар даярлаудағы ерекшеліктеріне тоқталды.

– Семинардың негізгі мақсаты – болашақтағы еңбек нарығының қажеттіліктерін ескеріп, білім беру мен кәсіби дамуға қатысты нақты стратегияларды анықтау. Семинарға колледждің әлеуметтік серіктестіктерін шақырдық. Олардың ішінде №17, 41, 25 бөбекжай-балбақшасы, «Келешек» ғылыми интеллектуалды мектеп-лицейі, №3 спорт мектебі, одан бөлек банк қызметкерлері бар. Семинар барысында «Студенттерге білім беру барысында қандай дағды-қасиеттерді қалыптастыру қажет, нендей кәсібилікті үйрету керек?» деген сынды түрлі сауалдарға жауап іздейміз. Мұндай жиындардың болашақ мамандарға берері мол, – деді Динара Исмаилова.

Семинарда «Болашақ маманның табысты әрі бәсекеге қабілетті болуына септігін тигізетін дағдылар» тақырыбында колледж мамандары әлеуметтік серіктестерімен бірге нақты дағдыларды дамыту бойынша ұсыныстарды талқылады.

Құралай СЕЙСЕНБЕКҚЫЗЫ