Әуежайдың баспасөз қызметі оқиға туралы Х әлеуметтік желісінде хабарлады. Ресми мәліметтерге сәйкес, АҚШ-тың Миннеаполис қаласынан келген Delta Airlines әуе компаниясының ұшағы қону кезінде бүйіріне аударылып кеткен.

CTV арнасының хабарлауынша, ұшақ бортында 76 жолаушы мен 4 экипаж мүшесі болған, яғни барлығы 80 адам.

Оқиға салдарынан 8 адам жарақат алған. Дегенмен, зардап шеккендердің ешқайсысы ауыр жарақат алмағаны атап өтілді.

Бұл төтенше жағдайға байланысты әлеуметтік желілерде әуежайдан және апатқа ұшыраған ұшақтан түсірілген кадрлар тарады.