Мемлекет басшысының өкімімен бірқатар кадрлық өзгерістер орын алды.

Ерұлан Кенжебекұлы Жамаубаев Қазақстан Республикасының Ұлттық банкі төрағасының бірінші орынбасары болып тағайындалды. Осыған байланысты, ол бұған дейін атқарған қызметінен босатылды.

Нұрдәулет Төлеұлы Төлеев Қазақстан Республикасы Президенті Әкімшілігінің Жалпы бөлімінің меңгерушісі қызметінен босатылды. Оның орнына Ербол Дәненұлы Адаев тағайындалды.

Сонымен қатар Алексей Дмитриевич Калайчиди Қазақстан Республикасы Президенті Әкімшілігінің Құқық қорғау жүйесі бөлімінің меңгерушісі лауазымынан босатылды. Оның орнына Мемлекет басшысының өкімімен Дәурен Тілекұлы Ерғарин тағайындалды.