
Игілікті іске ұйытқы болған «Ассамблея жастары» қоғамдық бірлестігінің мүшелері қайырымдылық акциясы арқылы адамдарды мейірімділікке, жанашырлыққа және еңбегі ауыр, қызметі елеусіз қалатын жұмысшы мамандық иелерін құрметтеуге үндегісі келетіндіктерін жеткізді.
– Таң атқаннан күн батқанға дейін ауа райының қолайсыздығына қарамастан бел жазбай еңбек етіп, қала тазалығын қалыптастырып жүрген жұмысшылардың еңбегі ерекше. Бүгінгі іс-шарамыз арқылы қала тұрғындарын жақсылыққа шабыттандырып, айналамызға жылулық сыйлауға шақырғымыз келеді, – дейді «Ассамблея жастары» республикалық қоғамдық бірлестігі төрағасының орынбасары, жамбылдық жастардың жетекшісі Хамида Турдыева.
Айта кетейік, бірлестік жастары қайырымдылық іс-шараларына белсенді атсалысып, үлес қосудан қалыс қалған емес.
Толғанай АТАБАЙ,
облыс әкімдігі ақпарат және
қоғамдық даму басқармасы
«Қоғамдық келісім» коммуналдық
мемлекеттік мекемесінің
жетекші сарапшысы