Жиын қорытындысы бойынша 271 азаматқа «Болашақ» халықаралық стипендиясы тағайындалды. Оның ішінде 136 стипендия иегері магистратура бағдарламасы бойынша, 8-і докторантурада білім алады. Ал 127 азамат әлемнің жетекші университеттері мен ғылыми орталықтарында тағылымдамадан өтеді.

Комиссия отырысында басымдық берілген мамандықтарға ерекше назар аударылды. Стипендия иегерлерінің 65%-ы жаратылыстану және техникалық бағыттар бойынша білім алса, 35%-ы әлеуметтік және гуманитарлық салаларда кәсіби деңгейін арттырады. Бұл мемлекеттік білім беру саясатының стратегиялық бағыттарын айқындайды.

Сонымен қатар 170 азамат әлемдегі алдыңғы қатарлы ғылыми-зерттеу орталықтарында ғылыми тағылымдамадан өту мүмкіндігіне ие болды. Бұл Қазақстанның ғылым мен білім саласын дамытуға арналған маңызды қадам болып табылады.

Мемлекеттік кеңесші Ерлан Қарин биылғы жылы тағылымдамадан өтуге түскен өтініштердің санының былтырғы көрсеткіштен екі есе көп екенін, ал инженерлік-техникалық мамандықтар бойынша өтініштер санының алты есе артқанын атап өтті. Бұл Мемлекет басшысының инженерлік-техникалық білім беруді қолдау және дамыту жөніндегі бастамасының дер кезінде қолға алынғанын және оның қоғамда жоғары сұранысқа ие екенін дәлелдейді.

Осындай шаралар Қазақстанның білім және ғылым саласындағы халықаралық бәсекеге қабілеттілігін арттыруға және жаңа ұрпақ мамандарын даярлауға бағытталған.