2025 жылдың 1 маусымынан бастап қазақстандық «Air Astana» әуе компаниясы Алматы – Франкфурт бағыты бойынша жаңа тұрақты рейсті іске қосуды жоспарлап отыр. Бұл бағытта рейстер аптасына үш рет – сейсенбі, бейсенбі және жексенбі күндері орындалады.

Қазіргі уақытта «Air Astana» Франкфуртқа Астана мен Орал қалаларынан тікелей рейстерді орындауда. Алматыдан жаңа рейстің ашылуы Қазақстан мен Германия арасындағы сауда-экономикалық, инвестициялық, туристік және мәдени ынтымақтастықты одан әрі нығайтуға ықпал етеді.

Жолаушылардың жайлылығы үшін рейстер заманауи A321LR үлгісіндегі ұшақтарда орындалатын болады.